ТИШЛАРНИНГ ПАТОЛОГИК ЕДИРИЛИШИ ВА УНИНГ АХОЛИ ОРАСИДА ТАРҚАЛИШИ

Аннотация

Тишларнинг патологик едирилиши - тиш-жағ тизимидаги патологик ўзгаришлар билан кечадиган полиэтиологик жараёндир. Тиш қаттиқ тўқимаси едирилишининг кучайиши эмал ва дентин тўқималари гистогенезининг бузилиши ва мўрт бўлишига олиб келади, яъни минерализация эмаль ва дентин қаватларда тўлиқ хосил бўлмайди. Бунинг натижасида тиш қаттиқ тўқимаси чайнов босимига чидамсиз бўлиб, патологик едирилиш тез кечади. Шу туфайли, тишларнинг нормал шакли бузилади, дўмбоқчалари, кесув четлари йуколади, тиш тожининг бўйи пасаяди.